A Aula de Marketing para Profesionais da Industria Forestal-Madeira nace para achegar o márketing á realidade do sector dunha maneira práctica, próxima e aplicable. Un espazo no que aprender a analizar o noso potencial e a contorna, construír unha proposta de valor, tomar decisións sobre produtos e servizos, establecer prezos, escoller as canles máis axeitadas e comunicar mellor aquilo que facemos.
Ao longo de 7 sesións presenciais iremos percorrendo as sete P desta Aula: Potencial, Perímetro, Produto, Prezo, Praza, Promoción e Paixón, combinando conceptos, dinámicas e aplicacións prácticas para transformar o aprendido en ferramentas útiles para o día a día profesional. O propio programa articúlase arredor destes ámbitos e incorpora exercicios prácticos en cada sesión.
Se xa traballas no sector forestal-madeira, estás a formarte para incorporarte a el ou acabas de iniciar a túa carreira profesional, esta Aula é unha oportunidade para ampliar a túa mirada e descubrir como o márketing pode axudarche a crear máis valor arredor do que fas.
Porque ter un bo produto é importante. Saber todo o que podes facer con el pode marcar a diferenza.
Atréveste a descubrir as 7 P?
1ª P do márketing >> Desenvolve todo o teu Potencial - Data: 16/10/2026
2ª P do márketing >> Analiza o teu perímetro con rigor - Data: 13/11/2026
3ª P do márketing >> Optimiza o teu produto/servizo - Data: 11/12/2026
4ª P do márketing >> Axusta os teus prezos - Data: 15/01/2027
5ª P do márketing >> Posiciónate nas mellores prazas - Data: 12/02/2027
6ª P do márketing >> Multiplica a túa presencia - Data: 12/03/2027
7ª P do márketing >> Expreme a túa paixón - Data: 09/04/2027
Consulta o PROGRAMA DETALLADO